Өзбекстан Республикасының Президенті Шавкат Мирзиёев Қытай Халық Республикасының Төрағасы Си Цзиньпиннің шақыруымен жұбайымен бірге ресми сапармен Тяньцзинь қаласына келді.

«Биньхай» халықаралық әуежайында Мемлекет басшысын ҚХР Көлік министрі Лю Вэй және өзге де ресми тұлғалар күтіп алды.

Жоғары мәртебелі меймандардың құрметіне екі елдің мемлекеттік туы көтеріліп, Құрмет қарауылы сап түзді.

Сапар бағдарламасына сәйкес, Өзбекстан басшысы 31 тамыз – 1 қыркүйек күндері Шанхай ынтымақтастық ұйымы Мемлекет басшылары кеңесінің кезекті отырысына және «ШЫҰ плюс» форматындағы саммитке қатысады.

Өз сөзінде Өзбекстан Президенті көпжақты ынтымақтастықты одан әрі нығайту және ұйым қызметін жетілдіру жөнінде маңызды бастамалар ұсынады.