Өзбекстан Республикасының Президенті Шавкат Мирзиёев Ашхабад қаласына келгеннен соңғ Түркімен халқының ұлттық көшбасшысы, Түркіменстан Халық Кеңесінің төрағасы Гурбангулы Бердімұхамедовпен кездесу өткізді.

Кездесуде екіжақты күн тәртібіндегі өзекті мәселелер талқыланды.

Өзбекстан мен Түркіменстан арасындағы көп қырлы қарым-қатынастар қарқынды дамып келе жатқаны, екі елдің стратегиялық серіктестігі тұрақты нығайып келе жатқаны атап өтілді.

Сауда, өнеркәсіп, энергетика, ауыл және су шаруашылығы, көлік және басқа да басым бағыттар бойынша практикалық ынтымақтастық кеңейіп жатқаны айтылды.

Өзбекстан мен Түркіменстан басшылары өңірлік ынтымақтастық мәселелері бойынша да пікір алмасып, алдағы іс-шаралар жоспарын қарастырды.