Өзбекстан Республикасы Президенті Шавкат Мирзияев 9 наурызда Түркия Республикасының Сыртқы істер министрі Мевлут Чавушоғлу бастаған делегацияны қабылдады.

Өзбек-түрік көпжақты қатынастарын дамыту мәселелері талқыланған кездесуде Мемлекет басшысы жоғары деңгейдегі тұрақты келіссөздер мен екі ел арасындағы достық, стратегиялық серіктестік байланыстарды одан әрі нығайтуға, өзара тиімді ынтымақтастықты кеңейтуге және оны нақты мазмұнмен байытуға қызмет ететінін айтты.

Түркия СІМ басшысы Мевлут Чавушоғлу Өзбекстан Президентіне жылы қарсы алғаны үшін алғыс айтты және Түркия Президенті Режеп Тайып Ердоғанның сәлемі мен ізгі тілектерін жеткізді.

Кездесу барысында өткен жылдың ақпанында Анкара қаласында өткен мемлекет басшылары деңгейіндегі Стратегиялық ынтымақтастық кеңесінің бірінші отырысында қол жеткізілген уағдаластықтардың орындалуына және келесі саммитке дайындыққа баса назар аударылды.

Екі ел де белсенді аймақаралық диалогты дамытуға, бірлескен білім мен мәдени-гуманитарлық бағдарламаларды ілгерілетуге мүдделі екендігі айтылды және халықаралық саясат пен аймақтық серіктестік, оның ішінде Экономикалық ынтымақтастық ұйымы мен Түркітілдес мемлекеттердің ынтымақтастық кеңесі аясындағы ынтымақтастық туралы пікір алмасты.