Өзбекстан Республикасының Президенті Шавкат Мирзиёев 1 мамыр күні Конституция бойынша референдумды бақылаушылар миссиясының жетекшілігімен Өзбекстан жүрген Тәуелсіз Мемлекеттер Достастығы Бас хатшысы Сергей Лебедевті қабылдады.

Мемлекет басшысы Достастық Бас хатшысы және миссия мүшелеріне Өзбекстанның барлық өңірлеріндегі белсенді жұмысы және референдумның барысы мен нәтижелеріне жоғары баға бергені үшін шынайы алғысын білдірді.

Беделді аймақтық ұйымның басшысы өз кезегінде Өзбекстан басшысы мен көпұлтты халқын референдум үдерісінің жоғары халықаралық талаптар мен стандарттарға сай сәтті ұйымдастырылғанымен құттықтады.

Референдум нәтижелері Жаңа Өзбекстанның құрылуы мен республикадағы демократиялық реформаларды жалғастыру жолында маңызды кезең болатынына сенім білдірілді.

Кездесуде сауда-экономика, өнеркәсіп және көлік салаларындағы ынтымақтастықты нығайтудағы ТМД-ның маңызды рөлі атап өтілді. Достастық кеңістігінде инвестицияның қарқынды өсіп жатқаны атап өтіліп, осы жылдың наурыз айында Самарқандта өткен Сыртқы істер министрлері кеңесінің отырысының тиімді нәтижелері жоғары бағаланды.

Белсенді гуманитарлық алмасуларды жалғастыруға ерекше назар аударылды.