Өзбекстан Республикасының Президенті Шавкат Мирзиёев Нью-Йорк қаласына сапарының іскерлік бағдарламасы аясында «The Bank of New York» («BNY») компаниясының бас коммерциялық директоры Катинка Вальстроммен кездесу өткізді.

«BNY» – активтерді басқару, бағалы қағаздарды сақтау және оларға қызмет көрсету, мемлекеттік және жеке қаржыландыру сынды кең ауқымды қаржылық қызметтерді ұсынатын Американың жетекші банк-инвестициялық тобы саналады.

Кездесуде банктің Өзбекстанның ірі кәсіпорындарының еурооблигацияларын шығару және орналастыруға көмек көрсетуі, сондай-ақ Өзбекстанның банк-қаржы секторын дамытуға бағытталған жоспарлары қолдау тапты.