Өзбекстан Республикасының Президенті Шавкат Мирзиёев жұмыс сапарымен Ресей Федерациясына келді.

«Пулково» халықаралық әуежайында жоғары мәртебелі мейманды Санкт-Петербург губернаторы Александр Беглов және басқа да ресми тұлғалар қарсы алды.

Кейін Мемлекет басшысы губернатормен бірге Исаакиев алаңында жаяу серуендеді.

Сапар аясында Өзбекстан басшысы 25-26 желтоқсан күндері Санкт-Петербург қаласында ТМД елдері басшыларының бейресми кездесуі мен Жоғары Еуразиялық экономикалық кеңестің кезекті отырысына бақылаушы мәртебесінде қатысады.