Өзбекстан Республикасының Президенті Шавкат Мирзиёев жұмыс сапарымен Санкт-Петербург қаласына келді.

«Пулково» халықаралық әуежайында жоғары мәртебелі мейманды Санкт-Петербург губернаторы Александр Беглов және өзге де ресми тұлғалар қарсы алды.

Сапар аясында Өзбекстан көшбасшысы 21–22 желтоқсан күндері Еуразиялық жоғары экономикалық кеңестің кезекті отырысына бақылаушы мәртебесінде, сондай-ақ ТМД мемлекеттері басшыларының бейресми кездесуіне қатысады.

Саммиттің күн тәртібіне аталған көпжақты бірлестіктер шеңберінде өзара тиімді ынтымақтастықты одан әрі кеңейтуге қатысты өзекті мәселелер енгізілген.

Дәстүр бойынша, бірлесіп атқарылған жұмыстардың негізгі қорытындылары шығарылып, алдағы жылдағы практикалық ынтымақтастықтың басым бағыттары жөнінде пікір алмасу көзделген.