Өзбекстан Республикасының Президенті Шавкат Мирзиёев 8 мамырда жұмыс сапармен Мәскеу қаласына келді.

Мемлекет басшысын Внуково халықаралық әуежайында Ресей Федерациясы Үкіметі Төрағасының орынбасары – Индустрия және сауда министрі Денис Мантуров және басқа да ресми тұлғалар қарсы алды.

Сапар бағдарламасына сәйкес Өзбекстан Президенті Жоғары Еуразиялық экономикалық кеңестің мерейтойлық отырысына және Екінші дүниежүзілік соғыстағы Жеңістің 79 жылдығына арналған салтанатты шараларға қатысады, сондай-ақ екіжақты кездесулер өткізеді.