Өзбекстан Республикасының Президенті Шавкат Мирзиёев Бейжің қаласындағы іс-шаралар аясында Қытайдың Экспорт-импорт банкінің төрағасы ВУ Фулинді қабылдады.

ҚХР Эксимбанкі 1994 жылы құрылған. Активтер құны 800 миллиард доллардан асатын банк Қытайдың сыртқы сауда мен халықаралық экономикалық ынтымақтастықты қолдаудағы жетекші қаржы институты болып табылады.

Кездесуде Өзбекстандағы бірлескен жобалар қоржыны 3,5 миллиард долларға жеткені атап өтілді. Банктің Ташкентте аймақтық өкілдігін ашу және көлік және әлеуметтік инфрақұрылымды, өнеркәсіп пен жеке секторды дамыту бойынша жаңа перспективалық жобаларды қалыптастыру жөніндегі жоспарлары қаралды.