Өзбекстан Республикасының Президенті Шавкат Мирзияев Қазақстан халқы мен Президентіне көңіл айтып жеделхат жолдады.

Бұл туралы Президент баспасөз хатшысы Шерзод Асадов интернеттегі парақшасында хабарлап: Мемлекет басшысының хатында бауырлас Қазақстан аумағында болған қайғылы оқиғалар және көптеген әскери қызметшілер мен бейбіт тұрғындардың қаза болуына байланысты Президент Қасым-Жомарт Тоқаевқа және достас Қазақстан халқына қайғыра көңіл айтылған.

Мемлекет басшысы Отан тыныштығы мен ел халқын қорғау жолында қаза тапқан азаматтардың туған-туыстары мен жақындарына көңіл айтып, зардап шеккендердің тезірек сауығып кетуіне тілектестігін білдірген, делінген хабарламада.