Өзбекстан Республикасының Президенті Шавкат Мирзиёев 15 желтоқсанда Қатар Мемлекетінің Заң үстемдігін қамтамасыз ету және сыбайлас жемқорлыққа қарсы күрес орталығының Қамқоршылық кеңесінің төрағасы Әли Мухсин әл-Марри бастаған делегацияны қабылдады.

Кездесу басында төраға әл-Марри Мемлекет басшысына Қатар Әмірі Тамим бен Хамад Әл Санидің сәлемі мен ізгі тілегін жеткізді.

Өзбекстан мен Қатар арасындағы көп қырлы қарым-қатынастардың қарқынды дамып келе жатқаны атап өтілді. Өзара сауда мен инвестиция көлемі артып, бірлескен ірі жобалар дайындалып, жүзеге асырылуда.

Алдағы маңызды халықаралық шара – Қатар Әмірінің бастамасымен құрылған «Сыбайлас жемқорлыққа қарсы күрестегі ерекше жетістіктері үшін» жаһандық марапаттау рәсімі Өзбекстанда өтуіне дайындық барысы қаралды.

Сыбайлас жемқорлыққа қарсы іс-қимыл саласындағы практикалық ынтымақтастықты одан әрі кеңейтуге, тәжірибе алмасуға және бірлескен оқу бағдарламаларын жүзеге асыруға екі тараптың да мүдделі екені расталды.