Өзбекстан Республикасының Президенті Шавкат Мирзиёевті Исламабад қаласында бөлінген резиденцияда Пәкістан Ислам Республикасының Премьер-министрінің орынбасары, Сыртқы істер министрі Исхақ Дар қарсы алды.

Осы жерде өткен кездесуде Исхақ Дар Мемлекет басшысына жоспарланған екіжақты іс-шаралардың күн тәртібі туралы ақпарат берді.

Өзбекстан Президенті министрдің аталған мемлекеттік сапарды ұйымдастыруға қосқан зор үлесін ерекше атап өтті.

Сапар аясында өтетін жоғары деңгейдегі келіссөздер мен Стратегиялық ынтымақтастық кеңесінің алғашқы отырысы Өзбекстан – Пәкістан стратегиялық серіктестік қатынастарын жаңа практикалық мазмұнмен байытарына сенім білдірілді.