Өзбекстан Республикасының Президенті Шавкат Мирзиёев Тәжікстанға мемлекеттік сапары аясында 19 сәуір күні осы елдің Олий Мажлисі Намояндагон мәжілісі төрағасы Махмадтоир Зоирмен кездесті.

Кездесуде Өзбекстан мен Тәжікстан арасындағы көп қырлы стратегиялық серіктестік пен одақтастық қарым-қатынастар бүгінде жоғары деңгейге көтерілгені атап өтілді.

Парламентаралық алмасуды одан әрі жандандыру, ынтымақтастық жобалары мен мәдени-гуманитарлық бағдарламаларды қолдау және ілгерілету мақсатында салалық комитеттер мен өңірлік кеңестер деңгейінде тиімді байланыстарды кеңейту мәселелері талқыланды.

Қабылданған құжаттарды бекіту мен жоғары деңгейдегі келісімдердің дер кезінде орындалуына парламенттік бақылауды жүзеге асыруда екі ел депутаттарының маңызды рөлі атап өтілді.