Өзбекстан Республикасы Президенті Шавкат Мирзияев Қырғыз Республикасының Президенті Садыр Жапаровтың шақыруымен 26-27 қаңтарда Қырғызстанға мемлекеттік сапармен барады.

Екі мемлекет басшыларының кездесулері Бішкек қаласында өтеді.

Жоғары деңгейдегі келіссөздердің күн тәртібінде Өзбекстан-Қырғызстан достық, тату көршілік пен стратегиялық әріптестік қатынастарын одан әрі нығайту мәселелерінің кең ауқымы орын алған.

Өзара сауданы арттыруға, өнеркәсіптік кооперация бағдарламаларын қолдауға және өңірлік инфрақұрылымдық жобаларды ілгерілетуге ерекше назар аударылады.

Саммит соңында екіжақты құжаттардың жиынтығы қабылдануы көзделген.