Өзбекстан Республикасы Президенті Шавкат Мирзияев Корея Республикасының Президенті Мун Чжэ Иннің шақыруымен 16 желтоқсанда мемлекеттік сапармен Корея Республикасына барады.

Сапар бағдарламасына сәйкес, Сеул қаласында жоғары деңгейдегі кездесулер мен келіссөздер, сондай-ақ Оңтүстік Корея парламентінің басшылығы және жетекші компаниялардың өкілдерімен кездесулер көзделген.

Күн тәртібінде Өзбекстан-Корея арнайы стратегиялық серіктестігі мен көп қырлы ынтымақтастықты, ең алдымен, «жасыл» экономика, инвестиция және инновациялар, цифрлық технологиялар, әлеуметтік сала сияқты басым бағыттар бойынша одан әрі кеңейту мәселелері бар.