Өзбекстан Республикасының Президенті Шавкат Мирзиёев 27 сәуірде Ташкент халықаралық инвестициялық форумы аясында Ислам даму банкінің президенті Мұхаммед бен Сулейман әл-Джассирді қабылдады.

Жаңа орта мерзімді серіктестік бағдарламасы аясында Банк тобымен ауқымды ынтымақтастықты одан әрі кеңейту мәселелері талқыланды.

Бүгінгі таңда экономиканың басым секторларын қамтитын бірлескен жобалар қоржыны 1,3 миллиард доллардан асқаны қуанышпен атап өтілді. Форум аясында ауылдық және көлік инфрақұрылымын жаңғырту, мектепке дейінгі білім беруді дамыту жобаларын жүзеге асыру бойынша 400 миллион долларлық келісімдерге қол қойылды.

Кездесуде практикалық ынтымақтастықты дамытуға, кәсіпкерлік пен жеке инвестицияларды қолдауға, қаржылық құралдарды жетілдіруге, Банк құрылымдарын жобалық жұмыстарға белсенді тартуға қатысты нақты жобаларды ілгерілетуге, сондай-ақ Өзбекстанның ДСҰ-ға кіруі және инновациялық экожүйені құру мәселелерінде техникалық көмекті кеңейтуге ерекше назар аударылды.