Өзбекстан Республикасы Президенті Шавкат Мирзияев 24 қаңтарда Экономикалық ынтымақтастық ұйымына мүше-мемлекеттер Сыртқы істер министрлері кеңесінің отырысы аясында Өзбекстанда болып тұрған Иран Ислам Республикасының Сыртқы істер министрі Хусейн Амир Абдуллахиян бастаған делегацияны қабылдады..

Кездесу басында Сыртқы істер министрі Мемлекет басшысына Иран Президенті Ибрахим Раисидің шынайы сәлемі мен ізгі тілегін жеткізді.

Иран Президентінің өткен жылдың қыркүйек айында Өзбекстанға ресми сапары барысында қол жеткізілген келісімдер екі елдің көпжақты ынтымақтастығын одан әрі дамытуға берік негіз жасағаны айтылды.

Өзбекстан басшысы өзара диалогтың жанданғанын, тауар айналымының тұрақты түрде артып, жетекші кәсіпорындар арасындағы ынтымақтастықтың артқанын атап өтті.

Көлік және логистика саласындағы ынтымақтастықты ілгерілету, оның ішінде Чобахор мен Бандар-Аббас портын тиімді пайдалану мәселесіне ерекше көңіл бөлінді.

Тараптар алдағы іс-шаралар жоспарын қарап, халықаралық маңызы бар өзекті мәселелер бойынша пікір алмасты.