Өзбекстан Республикасының Президенті Шавкат Мирзиёев Самарқанд қаласында өтіп жатқан Өзбекстан-Франция бизнес форумы аясында «EDF» компаниясының төрағасы және бас директоры Люк Ремонмен кездесу өткізді.

«EDF» компаниясының активтері 427 миллиард долларды құрайтын әлемдегі ең ірі атом электр станцияларын басқарушы компания. Ол электр энергиясын өндіру, тасымалдау және таратумен айналысады.

Сұхбат барысында Мемлекет басшысы компанияның Сырдария мен Сұрхондариядағы бу-газ электр станцияларының құрылысына қатысуын қолдап, жобаларды жүзеге асыруды жеделдетудің маңыздылығына тоқталды.