Өзбекстан Республикасының Президенті Шавкат Мирзиёев 16 қазан күні Самарқанд қаласында Дүниежүзілік туристік ұйым (ЮНВТО) Бас Ассамблеясының 25-ші сессиясын өткізу аясында Өзбекстанда сапармен жүрген БҰҰ жүйесіндегі осы жетекші құрылымының Бас хатшысы Зураб Пололикашвилиді қабылдады.

Өзбекстанның туристік әлеуетін арттыру бойынша БҰҰ мамандандырылған институтымен көпқырлы ынтымақтастықты одан әрі кеңейту мәселелері талқыланды.

Туристік желіні реформалаудағы Өзбекстанның стратегиялық серіктесіне айналған ЮНВТО-мен ынтымақтастықта бұрын-соңды болмаған жоғары деңгейге қол жеткізілгені атап өтілді.

«Жібек жолы туризмі» брендін кеңінен тарату, соның ішінде туризм инфрақұрылымын дамыту, еліміздегі туристік бағыттарды танымал ету, білікті кадрлар даярлауға бағытталған бағдарламалар мен жобаларды жүзеге асырудағы бірлескен жұмыстар жоғары бағаланды.

Өзбекстанда ЮНВТО Бас Ассамблеясының мерейтойлық сессиясының өтуі, оның аясында Самарқандта Халықаралық туристік академиясы мен «Жібек жолы» тақырыптық кеңсесінің ашылуы ынтымақтастықтың маңызды практикалық нәтижелері болды.

ЮНВТО Бас хатшысы Өзбекстан Президентіне туризм саласындағы биылғы басты халықаралық шараны дайындауға және ұйымдастыруға көрсеткен қолдауы үшін шын жүректен ризашылығын білдірді.

Форумға әлемнің 140-тан астам елінен жоғары деңгейдегі делегациялардың қатысуы жаһандық және аймақтық туристік орталықтардың бірі ретінде Өзбекстанға қызығушылықтың артып келе жатқанының белгісі екені айтылды.

Бас Ассамблея аясында жетекші туристік компаниялардың, жоғары оқу орындары мен ұйымдардың қатысуымен инвестициялық және білім беру форумдары өтеді. Олардың соңында осы бағыттар бойынша бірлескен бағдарламалар мен жобаларды жүзеге асыру бойынша нақты келісімдерге қол қойылады деп күтілуде.

Кездесу соңында мерейтойлық сессияның негізгі қорытындыларын жүзеге асыру бойынша бірлескен «Жол картасын» қабылдауға келісілді.