Өзбекстан Республикасы Президенті Шавкат Мирзиёев Ресей Федерациясы Президенті Владимир Путиннің шақыруымен 23-24 қазан күндері БРИКС құрылымы мемлекеттерінің саммитіне қатысу үшін жұмыс сапарымен Қазан қаласына барады.

Мемлекет басшысы Ресей тарапының төрағалығымен өтетін «БРИКС плюс» форматындағы жалпы сессияда сөз сөйлейді.

Кездесу күн тәртібінде инклюзивті және тұрақты дамуды қамтамасыз ету мақсатында халықаралық ынтымақтастықты кеңейту мәселелері қарастырылады. Сондай-ақ жаһандық саясаттың өзекті мәселелері талқыланады.

Сонымен қатар, сапар бағдарламасында бірқатар екіжақты кездесулер өткізу жоспарланған.

БРИКС құрылымы 2006 жылы құрылған. Қазіргі уақытта оның мүшелері қатарында Бразилия, Ресей, Үндістан, Қытай, Оңтүстік Африка Республикасы, Біріккен Араб Әмірліктері, Иран, Мысыр және Эфиопия бар.