Әзірбайжан Республикасының Президенті Ильхам Әлиевтің шақыруымен Өзбекстан Республикасының Президенті Шавкат Мирзиёев жұбайымен бірге мемлекеттік сапармен Баку қаласына келді.

Мемлекет басшысын Гейдар Әлиев атындағы әуежайда Әзірбайжан Премьер-Министрінің бірінші орынбасары Якуб Аюбов және басқа да ресми тұлғалар күтіп алды. Жоғары мәртебелі мейманның құрметіне құрметті қарауыл сап түзеді.

Бүгінгі жоғары деңгейдегі кездесулерде екі ел басшылары Өзбекстан-Әзірбайжан стратегиялық әріптестік қарым-қатынастарын тереңдету және көп қырлы ынтымақтастықты, ең алдымен, саяси, сауда-экономикалық, көлік-коммуникациялық және мәдени-гуманитарлық салаларда дамыту мәселелерін талқылайды.