Азия инфрақұрылымдық инвестициялар банкі Басқарушылар кеңесінің жылдық жиыны аясында Өзбекстан Республикасының Президенті Шавкат Мирзиёев Өзбекстан–Саудия Кәсіпкерлер кеңесінің тең төрағасы, «ACWA Power» компаниясының басқарма төрағасы Мұхаммед Абунайянды қабылдады.

Кездесуде Сауд Арабиясы компанияларымен іс жүзіндегі ынтымақтастықты кеңейту, соның ішінде бірлескен инвестициялық жобаларды жүзеге асыру мәселелері қаралды.

Мемлекет басшысы «ACWA Power» компаниясымен ауқымды жобаларды жүзеге асырудағы табысты ынтымақтастықты және Сауд Арабиясының инвестицияларын Өзбекстанға тартуда компанияның маңызды рөл атқаратынын атап өтті.

Энергетика, көлік, ақпараттық технологиялар, денсаулық сақтау, жылумен жабдықтау желілерін жаңғырту, ауыл және су шаруашылығы салаларында бірлескен жобаларды жеделдету жөнінде келісімге қол жеткізілді.

Осымен Мемлекет басшысы Самарқанд қаласындағы сапарын аяқтап, Ташкентке қайтып оралды.