2023 жылдың 4-7 желтоқсан күндері Өзбекстан Қорғаныс министрлігіне қарасты Қорғаныс өнеркәсібі агенттігінің делегациясы Каирде ұйымдастырылған үшінші халықаралық «EDEX-2023» қорғаныс көрмесіне қатысты.

Өзбекстан елшілігінің хабарлауынша, шара аясында ел делегациясын Мысырдың әскери өндіріс жөніндегі мемлекеттік министрі Мухаммад Салахуддин қабылдады. 

Келіссөздер барысында екіжақты қарым-қатынастарды дамыту перспективалары, өзара тиімді жобаларды жүзеге асыру және қорғаныс өнеркәсібі өндірушілерімен ынтымақтастық мәселелері талқыланды. Мысыр тарапы Өзбекстаннан кейбір өнім түрлерін әкелуге қызығушылық танытып, қарым-қатынасты жандандыруға мүдделі екенін атап өтті.

EDEX-2023 халықаралық қорғаныс көрмесі барысында павильондарда әскери мақсаттағы бұйымдарды шығаратын отандық және шетелдік өндірушілердің өкілдерімен қызықты келіссөздер жүргізілді.

Атаулы көрме Африка мен Таяу Шығыстағы қорғаныс саласындағы ең ірі көрме болып саналады және екі жылда бір рет Мысыр президентінің жетекшілігімен өткізіліп тұрады.

Шараға 46 елден 400-ге жуық өндіруші өз өнімдерімен қатысты, сонымен қатар 50-ден астам елден ресми делегациялар қабылданды.