Өзбекстан мұсылмандары басқармасының төрағасы, мүфти беделді кеңестің мүшелігіне қабылданды.

Сауд Арабиясының астанасында ең ықпалды ұйым саналатын Ислам әлемі қауымдастығының Жоғарғы кеңесінің 46-шы отырысы өтті.

Атаулы жиында Өзбекстан Мұсылмандары басқармасының төрағасы, мүфти шейх Нуриддин Халиқназар Ислам әлемі қауымдастығы Жоғарғы кеңесінің мүшелігіне қабылданды. Бұл мүшелік мүфтидің қызмет барысында мүше болған төртінші ірі ұйымы. Олар – Мұсылман ғұламаларының халықаралық кеңесі (Қатар), Мұсылман ғұламалары кеңесі (БАӘ), Ислам фиқһ академиясы (Сауд Арабиясы) және Ислам әлемі қауымдастығының Жоғарғы кеңесі (Сауд Арабиясы).

Сауд Арабиясы, Мысыр Араб Республикасы, Біріккен Араб Әмірліктері, Кувейт, Қатар, Түркия, Малайзия, Индонезия және басқа елдердің министрлері, көрнекті ғалымдар, белгілі мүфтилер, профессорлар мен ғалымдар, мемлекет және дін қайраткерлері, халықаралық ислам діні ұйымдары Эр-Риядта өткен халықаралық конференцияға қатысты.