Губа қаласында Өзбекстан-Әзірбайжан II аймақаралық форумы аясында екіжақты құжатқа қол қою рәсімі өтті.

Trend агенттігінің хабарлауынша, Өзбекстан мен Әзірбайжанның Термез және Биласувар, Наманган мен Мингачевир, Гүлістан және Физули қалалары арасында сауда-экономикалық және мәдени-гуманитарлық салалардағы өзара түсіністік пен ынтымақтастық туралы меморандумға қол қойылды.

Сондай-ақ форум аясында Әзірбайжан Президенті Ильхам Әлиевтің Өзбекстанға мемлекеттік сапарын дайындаудың «жол картасы» бекітілді.

Құжаттарды жүзеге асыру екі елді жақындастыруға және тікелей қарым-қатынастарды нығайтуға жаңа перспективалар ашатыны айтылған.