7 ақпанда Өзбекстан Республикасының Президенті Шавкат Мирзиёев Әзербайжан Республикасының Президенті Ильхам Әлиевті кезектен тыс Президенттік сайлаудың сәтті өтуімен құттықтады.

Сайлауға қатысушылар мен олардың белсенділігінің жоғары деңгейде болғанын атап өткен Мемлекет басшысы Әзірбайжан халқы елдің болашағы, қуатты және гүлденген Әзірбайжан үшін дауыс беру арқылы дұрыс шешім қабылдағанына сенім білдірді.

Сұхбат барысында Өзбекстан-Әзербайжан стратегиялық әріптестік қарым-қатынастарын одан әрі дамытудың өзекті мәселелері талқыланды. Жоғары деңгейде қол жеткізілген келісімдердің толық орындалуына ерекше назар аударылды.

Сауда-экономикалық ынтымақтастық оң қарқынмен дамып жатқаны атап өтілді. Өткен жылдың қорытындысы бойынша тауар айналымы 30 пайызға артқан. Бірлескен инвестициялық компания өз жұмысын бастады, автомобиль өнеркәсібі, электротехника, тоқыма, ауыл шаруашылығы, туризм және басқа да салалардағы ынтымақтастық жобалары белсенді түрде жүзеге асырылуда.

Халықаралық құрылымдар, соның ішінде Түркі мемлекеттері ұйымы аясындағы ынтымақтастық мәселелері бойынша пікір алмасылды. Алдағы іс-шаралар жоспары қаралды.