Өзбекстан Сыртқы істер министрлігі өкілдері мен Біріккен Ұлттар Ұйымының білім, ғылым және мәдениет мәселелері жөніндегі ұйымы (ЮНЕСКО) басшылығы арасында онлайн кездесу өтті.

ЮНЕСКО Бас конференциясының 43-сессиясы соңғы қырқ жылдықта алғаш рет ұйымның Париждегі штаб-пәтерінен тыс жерде 2025 жылы Самарқанд қаласында өтпек.

СІМ мәліметінше, осы шараға дайындық мақсатында өткен кездесуде ЮНЕСКО-ның бас басқару органының Самарқандта өтетін отырысына дайындық барысы туралы пікір алмасылды. 

Келіссөздер нәтижесінде сессияны жоғары деңгейде өткізу үшін барлық бағыттар бойынша тығыз қарым-қатынас пен ынтымақтастықты жалғастыруға келісілді, делінген хабарламада.