Өзбекстан Республикасы Президенті Шавкат Мирзияев 16 қарашада Қырғызстан Президенті Сооронбай Жээнбековпен телефон арқылы сөйлесті.

Сұхбат кезінде Мемлекет басшысы Сооронбай Жээнбековті туған күнімен құттықтап, зор денсаулық, бақыт тілеп, Қырғыстан мен Өзбекстан арасындағы достықты, тату көршілік пен стратегиялық серіктестікті нығайтуға қосқан үлесі үшін шексіз ризашылық білдірді.

Мемлекет басшылары өзбек-қырғыз іскерлік ынтымақтастығын одан әрі кеңейтудің маңызды аспектілерін талқылап, халықаралық және аймақтық мәселелер бойынша пікір алмасты.

Сонымен қатар, жоғары деңгейдегі кездесулердің жоспарлары талқыланды.

Өзбекстан Республикасы Президентінің баспасөз қызметі хабары.