Бүгін 20 маусым күні Өзбекстан Республикасының Премьер-Министрі Абдулла Арипов пен Қырғыз Республикасының Премьер-Министрі Кубатбек Боронов телефон арқылы сөйлесті, деп хабарлайды Премьер-министр баспасөз қызметі.

Өзбекстан Үкімет басшысы әріптесін Премьер-министр қызметіне тағайындалуымен құттықтап, Өзбекстан – Қырғызстан қарым-қатынасы жаңа қарқынмен дамып, екіжақты ынтымақтастықты одан әрі нығайта түсетініне сенім білдірді.

Сұхбат барысында тараптар екіжақты ынтымақтастық жөніндегі үкіметаралық комиссияның алдағы күндері отырысын өткізу мәселелерін талқылады.

Екі елдің Премьер-министрлері бастаған Өзбекстан мен Қырғызстан үкімет делегацияларының соңғы кездесуі 2019 жылы тамызда Бішкекте өткен.