Кеше Душанбеде «Өзбекстан мен Тәжікстан: стратегиялық серіктестік пен одақтастықтың жаңа көкжиектері» атты халықаралық конференция өтті.

«Ховар» ақпарат агенттігінің хабарлауынша, кездесуді Тәжікстан Республикасы Президенті жанындағы Стратегиялық зерттеулер орталығы мен Өзбекстандағы Орталық Азия халықаралық институты ұйымдастырды.

Осыған байланысты Душанбеде Стратегиялық зерттеулер орталығының директоры Хайриддин Усмонзода мен Өзбекстандағы Орталық Азия халықаралық институтының директоры Джавлон Вахобов арасында кездесу өтті.

Кездесуде Тәжікстан мен Өзбекстан арасындағы достық қарым-қатынастың кеңейіп, нығайып келе жатқаны атап өтілді.