Кеден институтының Қайта даярлау және біліктілікті арттыру факультетінде Дүниежүзілік кеден ұйымының Орталық Азия және Кавказ қауіпсіздік жобасы аясында Өзбекстан мен Тәжікстан кеден қызметі өкілдеріне арналған халықаралық семинар-тренинг өтті.

Іс-шараның басты мақсаты кеден қызметкерлерінің қару-жарақ пен ұшқышсыз ұшу аппараттарының заңсыз айналымына қарсы күрес, тәуекелдерді басқару, сондай-ақ шекаралық бақылау кезінде құқықбұзушылықтарды анықтау бойынша білімдері мен дағдыларын арттыру.

Семинар барысында Дүниежүзілік кеден ұйымының тәжірибелі сарапшылары Адам Вас, Весна Вракар және Мэтью Фахд өздерінің іс-тәжірибелері мен озық халықаралық тәсілдерімен бөлісті.

Тренинг шеңберінде қатысушыларға заманауи оқыту әдістемесіне негізделген теориялық білімдермен қатар практикалық сабақтар да ұйымдастырылды.

Бұл іс-шара кеден органдары арасындағы ынтымақтастықты нығайтып, қауіпсіздікті қамтамасыз етуге және өңірлік тұрақтылықты арттыруға қызмет етеді.