Өзбекстан сыртқы істер министрі Бахтиёр Саидов Түркіменстан Министрлер кабинеті төрағасының орынбасары, сыртқы істер министрі Рашид Мередовпен телефон арқылы сөйлесті.

«Түркіменстан Министрлер кабинеті төрағасының орынбасары, сыртқы істер министрі Рашид Мередов мырзамен Өзбекстан мен Түркіменстан арасындағы екіжақты күн тәртібіндегі бірқатар мәселелерді талқыладық, – деп жазды Өзбекстан СІМ басшысы өзінің Telegram-арнасында.

– Стратегиялық әріптестікті нығайту, жаңа «өсу нүктелерін» қалыптастыру, алдағы өңірлік және халықаралық іс-шаралар және өзге де маңызды тақырыптар басты назарда болды.

Соңғы жылдары елдеріміз арасындағы байланыстар бұрын-соңды болмаған деңгейге көтерілді. Халқымыздың игілігі үшін бар мүмкіндікті одан әрі кеңейтеміз», – деген министр.