Өзбекстанның Экономика және қаржы министрлігі, Зергерлік өнеркәсіп қауымдастығы және Түркияның «LIZAY PIRLANTA» компаниясы өкілдері арасында онлайн келіссөздер өтті.

Кездесу барысында елдің бірнеше өндірістік саласы, соның ішінде зергерлік өнеркәсіпті дамыту және оған шетелдік инвестицияларды тарту мәселелері талқыланды.

Екі ел үкіметтерінің келісімі бойынша, Өзбекстанда зергерлік бұйымдар, шыны өнімдері, құрылыс материалдары, былғары өнеркәсібі, фармацевтика және жиһаз өндірісі секілді алты бағытты Түркияның озық тәжірибесі негізінде дамыту жоспарланған.

Келіссөздер барысында Өзбекстандағы зергерлік өнеркәсіпті дамытуға бағытталған реформалар, бизнес ортаны жақсарту және жергілікті өндірушілерге жасалып жатқан мүмкіндіктер сөз болды.

Сонымен қатар, Түркияның ірі зергерлік компаниясы «LIZAY PIRLANTA» компаниясының қызметі, өндірістік әлеуеті және халықаралық нарықтағы тәжірибесі туралы ақпарат берілді.

Кездесу соңында тараптар Өзбекстан зергерлік нарығында инвестициялық мүмкіндіктерді кеңейту және саладағы ынтымақтастықты нығайту жөнінде келісімге қол жеткізілді.