Президенттер соңғы жылдары сапа жағынан жаңа деңгейге жоғарылаған көпқырлы Өзбекстан – Тәжікістан ынтымақтастығы нығайып келе жатқанын ерекше атап өтті.

Сауда-экономикалық, көлік-коммуникациялық және мәдени-гуманитарлық салалардағы ынтымақтастықтың өзекті мәселелері талқыланды. Екіжақты сауда-саттықты ары қарай дамыту мәселелеріне ерекше назар аударылды. Жоғары деңгейдегі сапарлар кезінде қол жеткізілген келісімдерді жүзеге асыру мәселесі де талқыланды.

Өткен жылы Өзбекстан мен Тәжікстан арасындағы қарым-қатынастарды дамытудың тарихи кезеңі өзара мемлекеттік сапарлардың нәтижесінде стратегиялық серіктестік деңгейіне көтерілгені атап өтілді. 

Осы жұмыстың нәтижесінде екіжақты сауда айналымының көлемі айтарлықтай өсті, аймақаралық және гуманитарлық қатынастар бекемделіп бара жатқаны айтылды.

Шавкат Мирзияев пен Эмомали Рахмон екі ел арасындағы достық пен тату көршілік қарым-қатынастарды одан әрі нығайтуға деген ұмтылыстарын атап өтті.

Өзбекстан Республикасы Президенті Баспасөз қызметі хабары.