АҚШ-тың Нью-Йорк қаласында Өзбекстан мен Суринам мемлекеттерінің Біріккен Ұлттар Ұйымындағы (БҰҰ) тұрақты өкілдері Улуғбек Лапасов пен Сунил Стандил екі ел арасында дипломатиялық қатынастар орнату туралы Бірлескен коммюникеге қол қойды.

Осылайша, Суринам Республикасы Өзбекстанмен дипломатиялық байланыс орнатқан 158 мемлекет атанды.

«Бүгін менің әріптесім, елші Сунил Стандил мырзамен бірге Өзбекстан мен Суринам арасындағы дипломатиялық қатынастарды орнату туралы Бірлескен коммюникеге қол қойдық. Сондай-ақ екіжақты ынтымақтастықты, соның ішінде БҰҰ аясындағы серіктестікті нығайтуға келістік», – деп жазды Улуғбек Лапасов.