2020 жыл 13 тамызда Өзбекстан Республикасының Сыртқы істер министрі Абдулазиз Камилов Ресей Федерациясының Сыртқы істер министрі Сергей Лавровпен телефон арқылы сөйлесті.

Сұхбатта тараптар саяси, сауда-экономикалық, инвестициялық, мәдени-гуманитарлық салалардағы Өзбекстан - Ресей ынтымақтастығының қазіргі жағдайы мен болашағын талқылады.

Сондай-ақ, министрлер әлемдегі коронавируспен байланысты жағдайына тоқталып, пандемияның сауда-экономикалық қатынастарға теріс әсерін азайту үшін тығыз ынтымақтастықты жалғастыру қажеттігін сөз еткен және әр түрлі деңгейдегі және Тәуелсіз Мемлекеттер Достастығындағы болашақ бірлескен іс-шаралардың кестесі, күн тәртібі, ұйымдастырушылық аспектілері қаралды.

Сыртқы істер министрлері Өзбекстанның ТМД-ға төрағалығы аясында қарастырылған шаралардың орындалуы туралы пікір алмасты, делінген Өзбекстан СІМ хабарында.