Мәскеу қаласында «Ресей энергетика апталығы – 2025» атты халықаралық форум өтуде.

Форумға мемлекет және үкімет басшылары, халықаралық сарапшылар мен жетекші энергетикалық компаниялардың өкілдері қатысуда.

Форум аясында Өзбекстан энергетика министрі Журабек Мирзамахмудов Ресей Үкіметі төрағасының орынбасары Александр Новакпен кездесті.

Кездесу барысында мұнай-газ және электр энергетикасы салаларындағы ынтымақтастықты кеңейту, инвестициялық жобаларды іске асыру және саланың өзекті мәселелері талқыланды.

Өзбекстан Президенті Шавкат Мирзиёев пен Ресей Президенті Владимир Путиннің жуырда өткен келіссөзі кезінде стратегиялық серіктестікті дамыту және өзара ынтымақтастықты нығайту мәселелері ерекше аталып өтті.

Кездесу соңында тараптар осы бағытта белгіленген міндеттерді уақытылы орындау жөнінде уағдаластыққа қол жеткізді.