Өзбекстан Республикасы Президенті Шавкат Мирзиёевтің 11 сәуірде Ресей Федерациясының Президенті Владимир Путинмен телефон арқылы сөйлесуінде тауар айырбастау қарқынын қамтамасыз ету және бірлескен ынтымақтастық жобаларын жүзеге асыруға бағытталған шаралар талқыланды.

Екі елдің кәсіпкерлері мен өңірлері деңгейінде практикалық ынтымақтастықты ілгерілетуде сәуір айының соңында Ташкентте өтетін «Иннопром» халықаралық өнеркәсіптік көрмесінің мүмкіндіктерін тиімді пайдалануға ерекше назар аударылды.

Мәдени-гуманитарлық алмасу бағдарламасы аясындағы ынтымақтастық жемісті болып жатқаны атап өтілді.

Өзбекстан мен Ресей басшылары алдағы екіжақты және көпжақты іс-шаралар жоспарын да қарастырды.