Өзбекстан Республикасының Энергетика министрлігі мен Қытай Халық Республикасының Мемлекеттік энергетика басқармасы арасында жаңартылатын энергия көздері саласындағы ынтымақтастықты дамыту туралы үкіметаралық келісімге қол қойылды.

Министрліктің хабарлауынша, бұл келісім жаңартылатын энергия көздерін тиімді пайдалану саласындағы өзара тиімді ынтымақтастықты дамытуға бағытталған.

«Бір белдеу, бір жол» үшінші халықаралық форумы аясында қол қойылған келісім аясында «жасыл дамуға» көшуді жеделдету, электр беру желілері, жаңартылатын энергия көздеріне арналған компоненттерді салу және жаңғырту, жаңартылатын энергия көздері саласында және ғылыми-техникалық базаны дамытуда бірлескен зерттеулер жүргізу қарастырылған.

Сондай-ақ, қатысушы елдер тұрғындарының әл-ауқатын одан әрі жақсарту мақсатында жаңартылатын энергия көздерін, күн және жел энергиясын ауқымды дамыту, энергия үнемдейтін технологиялар мен жүйелерді кеңінен енгізу сияқты міндеттер жүзеге асырылатын болады.