Өзбекстан мен Қытай арасында Стратегиялық диалог отырысының хаттамасы және кең ауқымды ынтымақтастық бағдарламасы бекітілді.

Бұл туралы еліміздің сыртқы саясат ведомствосының басшысы Бахтиёр Саидов әлеуметтік желідегі парақшасында хабарлады.

Оның айтуынша, жан-жақты өткен келіссөздер қарқынды дамып келе жатқан екіжақты күн тәртібін толық қамтыған: саяси және экономикалық серіктестік, соның ішінде көлік және инфрақұрылым байланыстары, мәдени алмасу, халықтар арасындағы достықты нығайту мәселелеріне дейін.

Сонымен қатар тараптар кез келген жағдайда стратегиялық серіктестікті одан әрі бекемдеу бойынша қосымша шараларды да талқылаған.

– Аймақта және жаһандық деңгейде бейбітшілік, тұрақтылық және ортақ өркендеуді қамтамасыз етуге берік ұстанымымызды тағы бір мәрте қуаттап, маңызды халықаралық мәселелерге айрықша назар аудардық, – деп жазды Саидов. 

– Бүгінгі кездесудің қорытындысы бойынша Стратегиялық диалог отырысының хаттамасы және Өзбекстан мен Қытай Сыртқы істер министрліктері арасындағы кең ауқымды ынтымақтастық бағдарламасын – алдағы бірлескен күш-жігерімізге бағыт-бағдар беретін маңызды құжаттарға қол қойылды.