Өзбекстан Республикасының Орталық банкінде Қытай Халық банкінің Шаньси провинциясы филиалының басшысы Фу Говэн бастаған делегация өкілдерімен кездесу өтті.

Кездесу барысында Өзбекстан мен Қытай арасындағы экономикалық байланыстарды нығайту және сыртқы сауданы кеңейту бойынша ұсыныстар талқыланды.

Орталық банк басшылығы кейінгі жылдары елдің банк жүйесінде жүргізілген реформалардың нәтижелері және Қытаймен сыртқы сауда операцияларының қазіргі жағдайы туралы жан-жақты ақпарат берді.

Тараптар аталған мәселелер бойынша ынтымақтастықты жалғастыру туралы келісімге қол жеткізді.