Өзбекстан мен Қырғызстанның шекаралас облыстарының тұрғындарын қолдауға бағытталған жоба аяқталып, қорытындысы жарияланды.

«Dunyo» агенттігінің хабарлауынша, оған Қырғызстан мен Өзбекстанның шекаралас аймақтарында тұратын белсенді азаматтар, шенеуніктер мен сарапшылар қатысты.

БҰҰ Азық-түлік және ауыл шаруашылығы ұйымы (ФАО) мен БҰҰ Халық қоры (UNFPA) жүзеге асырып жатқан «Қырғызстан мен Өзбекстанның шекаралас аймақтарындағы ынтымақтастық арқылы ортақ өркендеу» жобасы 2022 жылдың маусымында басталған еді.

«Біріккен Ұлттар Ұйымы Бас хатшысының Бейбітшілікті нығайту қоры қаржыландыратын жоба Ферғана алқабынан өтетін шекараның екі жағында тату көршілік қарым-қатынасты нығайтуға бағытталған. Бағдарлама ауыл шаруашылығы және басқа да маңызды әлеуметтік-экономикалық салалардағы ынтымақтастықты дамытуға бағытталып, Қырғызстан мен Өзбекстанның шекаралас аймақтарындағы әйелдер мен жастардың мүмкіндіктерін кеңейтуге ерекше назар аударылды.

Жоба Қырғызстанның Жалалабад және Ош облыстары, Өзбекстанның Наманган және Әндіжан облыстарының бірқатар ауылдарын қамтыды», делінген хабарламада.

Жобаның екі елдегі басты жетістіктерінің бірі 700-ден астам адамның басын қосқан 66 өзіне-өзі көмек көрсету тобының құрылуы болып, осы топтарға қатысушыларының 90 пайызы әйелдерді құраған.