Өзбекстан мен Қырғызстанның Әділет министрліктері арасында ынтымақтастық бағдарламасына қол қойылды.

Министрлік мәліметінше, 1997 жылы Өзбекстан Республикасы Әділет министрлігі мен Қырғызстан Республикасы Әділет министрлігі арасында қол қойылған Ынтымақтастық туралы келісім аясында 2024-2025 жылдарға арналған Ынтымақтастық бағдарламасына қол қойылды.

«Екі министрлік басшыларының онлайн кездесуі барысында бұл бағдарламаның тараптар үшін маңыздылығы, оның ішінде өзара ынтымақтастықты кеңейту мақсатында жасалған алғашқы бағдарлама екендігі және ынтымақтастықтың маңызды белгісі ретінде қарастырылатыны баса айтылды», делінген хабарламада.

Бағдарламада айқындалған шаралар бүгінгі күннің өзекті мәселелерімен байланысты екені және бұл ынтымақтастық таяу болашақта жоғары нәтижелерге жетуге көпір болмақ.

Бағдарламаға нотариат, адвокаттық қызмет, сот төрелігі жүйесін цифрландыру, заң шығару және тегін заңгерлік қызмет көрсету, сондай-ақ басқа да өзара тиімді салалар қамтылған.

Ведомство дерегінше, келісім екі бауырлас халықтың ынтымақтастық аясындағы алдағы қызметі мен дамуына қомақты үлес қосуды, өз азаматтарының заң қызметтерін пайдалануын жеңілдетуді, сондай-ақ тәжірибе алмасуды көздейді.