Қырғызстан Президентінің Өзбекстанға мемлекеттік сапары аясында «Куксарай» резиденциясында екі елдің бірінші ханымдары Зироат Мирзиёева мен Айгүл Жапарованың кездесуі өтті.

Мемлекет басшыларының жұбайлары бауырлас халықтарымыз арасындағы достық пен ынтымақтастық байланыстарын нығайту, мәдени-гуманитарлық ынтымақтастықты одан әрі дамыту жөнінде пікір алмасты.

Бірінші ханымдар Қыбырай ауданындағы «Имкон» оңалту орталығына ие мамандандырылған мектепке дейінгі білім беру ұйымына да барды. Мұнда ерекше білім алуды қажет ететін балаларға оңалту қызметі көрсетіледі. Жоба аясындағы алғашқы мекеме 2019 жылы Нөкіс қаласында, одан кейін Қаршы мен Зарафшанда ашылды, алдағы уақытта бүкіл республика бойынша ұйымдастыру жоспарланған.

Зироат Мирзиёева мен Айгүл Жапарова балалар үшін жасалған жағдайды жоғары бағалап, осы игі идеяны жүзеге асыруға сәттілік тіледі.