Өзбекстан мен Қырғызстанды байланыстыратын Намангандағы шекаралық кеден бекеті қыркүйек айында ашылады.

Кеден комитетінің хабарлауынша, Наманған облысы кеден басқармасының басшысы У.Қодиров «Үчқурғон» шекаралық кеден бекетінде жүргізіліп жатқан құрылыс жұмыстарымен танысты. 

«Үчқурғон» шекаралық кеден бекетін 2024 жылдың қыркүйегінде пайдалануға беру жоспарлануда.

Басқарма басшысы мердігер ұйымның жұмысты жеделдетіп, құрылыс сапасына баса назар аудару қажеттігі туралы бірқатар ұсыныстар айтты.

Сондай-ақ құрылыс барысында туындауы мүмкін ақауларды жою және тапсырмалардың орындалуын қамтамасыз ету бойынша тиісті шаралар белгіленді, делінген хабарламада.