Өзбекстан мен Қырғызстан елдері құзырлы органдар берген COVID-19-ға қарсы вакцинацияны растайтын ресми сертификаттарды өзара таниды.

Санитарлық-эпидемиологиялық қызметтің хабарлауынша, Өзбекстан үкіметі мен Қырғызстан үкіметі ұлттық деңгейде COVID-19 індетіне қарсы күрес бойынша, оның ішінде экономикалық және әлеуметтік салаларда жедел қабылданып жатқан шараларды бағамдады.

Тараптар елдер аумағында COVID-19 инфекциясының енуі мен таралуынан қорғау бойынша қатаң және кешенді шаралардың маңыздылығын атап өтті. 

Осыған орай екі елдің заңнамасына сәйкес құзыретті органдар берген COVID-19-ға қарсы вакцинацияны растайтын ресми сертификаттарды өзара таниды. Келісім 2022 жылдың 26 ​​наурызында күшіне енді.