2024 жыл 21 мамырда Өзбекстан Республикасының Сыртқы істер министрі Бахтиёр Саидов Қазақстан Премьер-Министрінің орынбасары – Сыртқы істер министрі Мұрат Нұртілеумен кездесті.

СІМ мәліметінше, Б.Саидов Қазақстан Сыртқы істер министріне қонақжайлылығы үшін алғыс айтып, ШЫҰ-ға мүше мемлекеттер Сыртқы істер министрлері кеңесінің отырысының сәтті өтуімен құттықтады. 

«Тараптар ортақ күн тәртібіндегі екіжақты және көпжақты тақырыптарды талқылады. Өзбекстан мен Қазақстанның Сыртқы істер министрліктері жоғары деңгейде қол жеткізілген барлық уағдаластықтарды дер кезінде жүзеге асыру үшін барлық күш-жігерін жалғастыратыны атап өтілді», делінген СІМ хабарында.