Өзбекстан мен Қазақстан Президенттері Хиуада кездесу өткізеді
Өзбекстан Республикасының Президенті Шавкат Мирзиёевтің шақыруымен Қазақстан Республикасының Президенті Қасым-Жомарт Тоқаев 5 сәуірде Өзбекстанға сапармен келеді.
Ежелгі Хиуа қаласында өтетін келіссөздерде Өзбекстан мен Қазақстан арасындағы стратегиялық серіктестік пен одақтастық қарым-қатынастарды одан әрі нығайту және көпжақты ынтымақтастықты кеңейтудің өзекті мәселелері талқыланады.
Өзара сауда көлемін ұлғайту, экономиканың маңызды салаларындағы кооперациялық қарым-қатынастарды дамыту, көлік және энергетика салаларында инфрақұрылымдық жобаларды жүзеге асыру, гуманитарлық бағдарламаларды белсендіру мәселелеріне ерекше назар аударылады.
Мемлекет басшылары өңірлік күн тәртібіндегі мәселелерді де талқылайды.