Өзбекстан Республикасы Президенті Шавкат Мирзияев 15 наурызда Қазақстан Республикасының Президенті Қасым-Жомарт Тоқаевпен телефон арқылы сөйлесті.

Сұхбат барысында тараптар көпжақты өзбек-қазақ қатынастарын одан әрі кеңейту, достық байланыстарды нығайту, елдеріміз арасындағы тату көршілік және стратегиялық серіктестік мәселелерін талқылап, пандемияның жағымсыз салдарын жедел түрде жою мақсатында экономикалық ынтымақтастықты жеделдетуге ерекше назар аударды.

Өзара сауда көлемін ұлғайту,  қабылданған «жол картасы» аясында өндірістік ынтымақтастық бойынша бірлескен жобаларды ілгерілету және шекаралас аудандарда тиімді көлік коммуникациясы мен логистикалық инфрақұрылымды дамыту маңызды екендігі айтылды және денсаулық сақтау, фармацевтика, білім беру саласындағы үкіметтер, мүдделі тараптар мен ұйымдар деңгейіндегі белсенді алмасуды жалғастыру маңызды екендігі сөз болды.

Сонымен қатар олар халықаралық және аймақтық маңызы бар мәселелер бойынша пікір алмасты. Болашақ екіжақты және көпжақты іс-қимыл жоспарлары қарастырылды.

Сұхбат соңында мемлекет басшылары бір-бірін келе жатқан көктем мерекесі - Наурызбен шын жүректен құттықтап, бауырлас халықтарымызға бақ-береке, бейбітшілік пен гүлдену тіледі.