2019 жылдың 15 сәуірінде Қазақстан Президенті Қасым-Жомарт Тоқаевтың Өзбекстанға мемлекеттік сапары кезінде қол қойылған Қазақстандағы Өзбекстан азаматы болып табылатын мигранттардың және Өзбекстандағы Қазақстан азаматы болып табылатын мигранттардың еңбек қызметі мен құқықтарын қорғау туралы үкіметаралық келісім 2021 жылы 4 сәуірде күшіне енді.

«Dunyo» ақпарат агенттігінің мәліметінше, құжат еңбек қызметі мен еңбекші-мигранттардың еңбегіне ақы төлеуді реттеуді, сондай-ақ Өзбекстан мен Қазақстанда заңсыз еңбек қызметінің алдын алуды көздейді.

Келісім еңбекші-мигранттардың мынадай құқықтарын анықтайды:

қабылдаушы елдің заңнамасына және еңбек шартына сәйкес демалыс;

қабылдаушы мемлекеттің заңнамасында белгіленген тізбеге сәйкес басқаларға қауіп төндіретін ауыр науқастық бойынша кепілдендірілген мөлшерде ақысыз медициналық көмек алуға;

қабылдаушы мемлекеттің аумағында қабылдаушы мемлекеттің құзыретті органдарынан және онда жұмыс істеу шарттары мен тәртібінен, сондай-ақ оның заңнамасынан туындайтын құқықтар мен міндеттерден ақпарат алу.

Сондай-ақ, қабылдаушы мемлекет аумағында жұмыспен қамту мақсатында білім туралы құжаттар қабылдаушы мемлекеттің заңнамасында белгіленген білім туралы құжаттарды тану рәсімдерін өткізбей танылады.